كتبت:هدير محمد هاشم
سادت حالة من الفرح بين أهالي مدينة عزبة البرج، التابعة لمركز دمياط، بعد عودة الصيادين المحتجزين باليمن، حيث انطلقت الزغاريد في منازل أهالي الصيادين وقام عدد منهم بتوزيع الحلوى في الشوارع وعلى المقاهي.
واضاف تامر حجازي، أحد الصيادين العائدين من اليمن، لـ«الرساله العربيه»: «أنا مش مصدق إني رجعت مصر تاني وهشوف أهلي، وبشكر الرئيس عبدالفتاح السيسي اللي وقف معانا لحد ما رجعنا بلدنا».
من جهه اخري، ذكر زهران محمد رجب، أحد الصيادين العائدين: «عشنا لحظات صعبة جدا، وجالنا وقت كنا بنفقد فيه الأمل إننا هنشوف أهالينا، بس كنا بنسمع أن الخارجية المصرية مش ساكتة وبتبذل جهود عشان يرجعونا سالمين لحد ما أملنا اتحقق، وشفنا فرحة الدمايطة لما استقبلونا، فجر الأربعاء، أمام المحافظة، وقابلتنا الدكتورة منال ميخائيل، وسلمت علينا كلنا وباركتلنا». بينما اضاف الصياد محمد بديع: «صرخنا كلنا من الفرحة، وحضنا بعض لما بلغونا إننا هنرجع مصر، وإن الطيارة في انتظارنا، وصلينا كلنا ركعتين شكر لله».
وشكر نبيل جاد، أحد الصيادين العائدين من اليمن، الرئيس السيسي، قائلا: «حسينا إننا غاليين عند بلدنا، وإن القيادة السياسية مهتمة بحياتنا وبرجوعنا كلنا من غير أي أذى بعد أيام شفنا فيه أصعب لحظات حياتنا، خصوصا بعد ما عطل المركب، فوجئنا باليمنيين يقتادونا عندهم ودخلونا السجن، ورغم إننا كنا بنتعامل كويس، لكن كنا مرعوبين إننا منرجعش خصوصا إن أهالينا مكانوش يعرفوا عننا حاجة وكانوا في منتهى القلق علينا».
واختتم «جاد»، حديثه: «الحمد لله، أزمة وعدت، وبنشكر الرئيس السيسي على حفاوة الاستقبال، وعمرنا ما كنا نتصور إن يكون في استقبالنا وزيرة الهجرة أول ما وصلنا المطار، ومحافظ دمياط أول ما وصلنا المحافظة».
