بقلم / منى الحسينى
حب مصر مش حب عادى بالنسبة لي
بحبها واكره من يقلل من شأنها ويتطاول عليها مش قادرة افهم يعنى ايه إعلاميين مصريين يتطاولوا عليها وعلى من فيها و يظهروا سلبياتها فى الخارج ولايعنيهم سمعةبلدهم
طب حد هايقولى طب مانتى كنتى معارضة وبتنتقدى أوضاع سلبية كتير
الرد
أنا لما كنت باعترض وانتقد كنت باعترض فى بلدى لعلها رسالة تصل إلى من يهمه الأمر
كنت باعترض على سياسات وقرارات لم ننحنى لها طالما سببت استياء للشعب
اعترض واواجه كل مسؤل بالحوار وله الرد
اعترض دون البحث على ثروة إعلامية زائفة
كان اللى بيحركنى دايما ضمير ى ومصالح شعب محتاج من يمثله اعلاميا بمواجهه وقوة مهما كان الثمن
الثمن كان عداءات وافتراءات وتهديدات وقضايا ومحاكم وكل مرة قضاء مصر العادل ينصفنى أمام حيتان الفساد كنت لوحدى أواجه ودفعت الثمن عن طيب خاطر
الاعتقاد راسخ بداخلى ان الاعلام رسالة وان مصر دى بلدى ولا اقبل من يحاول الإطاحة بها
فرق كبير يا سادة بين الإعلام الممول والإعلام النزيهة
اللى ديته الفلوس رخيص رخص بلده اللى عملته لانه اصلا هو رخيص
فرق كبير بين المعارضة الوطنية والمعارضة من أجل حفنة ملايين
المعارض الوطنى أكثر حبا وانتماءا لبلده باعلامه النزيه
رسالة للخونة فى الخارج اللى باعوا ضمائرهم من أجل حفنة ملايين.
