بقلم / أسماء كامل
#صباح_الخير ♥️على اللي يصون
واللي عليه في يوم ماتهون
على اللي بيملا قلبه الخير
واللي يحبِّنـا بضمير
ولا يفرط ف عشرتنا
وقلبه يطير لفرحتنا
#صباح_الخير♥️
صباح الخير عليك يا أصيل
يا حافظ روحي بالتفصيل
يا كتف اسند عليه وارتاح
فى لحظِة لما بيا تميل
صباح الخير ومن قلبي
بتوصفلك مدى حبي
يا ساكن بالهوى روحي
ومالك بالغرام قلبي
صباح الخير بقولهالك
وبتمني يروق بالك
وتتهنى معاك روحي
وبيا الدنيا تحلالك
دا انا عنيا اللي جيالك
وبتقولك..
#صباح_الخير !!
#أسماء_كامل
