بقلم النائبة / سحر طلعت مصطفى
زي النهاردة ودعنا أهم شاعر في “مدرسة الحب”..
نزار قباني اللي اتولد في دمشق، بس عاش في قلوبنا، في رسايل الحب اللي كتبناها، وفي أول مرة عرفنا يعني إيه حرف ممكن يبقى حضن.. وممكن يبقى وطن.
ماكانش بيكتب عشان يتجمل، كان بيكتب عشان يقول الحقيقة بصوت جريء..
أوقات ناعم زي “طوق الياسمين” وأوقات صادم.. عاشق لـ”التحديات”..
شعره خرج برة حدود الدواوين.. ودخل قلوبنا بصوت أم كلثوم وعبدالحليم وفيروز ونجاة وماجدة الرومي..
وصل لكل بيت وعلم الحب لجيل ورا جيل.. وناضل بالحرف.. بكى على الوطن وعاتبه.. وعلمنا إن الحرف أحيانًا بيكون أقوى من أي بندقية.
#سحر_طلعت_مصطفى
