بقلم الشاعر الكبير أحمد فؤاد نجم
أفندينا أعلن صدور القرار
وقبل اما ينجح في أي اختبار
فوجئنا بزفة ومولد و زار 🎊
قصايد _ جرايد _ برامج _ يفط …
تؤكد بأن الحكومة…. بذكاء
ومن حزمة واحدة قضت ع الغلاء
ولابد يبقى لدينا… انتماء
وناكل ونشرب ونلبس خطط …
عقبال النمو اللي قالوا عليه
وحايشينه عنا مانعرفش ليه 🤔
ماتلمح مكانه في مراية عينيه
ونقدر ندوق منه… حتى نقط …
مادام كل حاجة تمام ع الورق 📝
مفيش أي داعي عشان القلق
ولو مش مصدق خلاص اتفلق
ورقـنا اللي صح وكلامك غلط …
قاللي مواطن عليم بالخبايا
أفندينا قرر تزيد الجبايه
عشان شعبه جاحد قليل الرباية
بياكل وينكر زي القطط ….
إذا الشعب صدى بفعل البارومة 🕵️
حتعمل حسابه ف ايه الحكومة
وهي اللي جاهزة بكرباج وشومة 🗡️
عشان لو في واحد في عقله اتخبط …
تعيش مصر دايمآ في عز وجمال
يعيش المواطن شـديد الاحتمال
وآمن تماما من الاشــــتعال ♨️
وأقصى ما عنده…. ينكت فقط …
