بقلم / أسماء كامل
#أنا_أمك
أنا الحضن اللي وقت الجَرح بيضمّك
وانا الدعوة اللي مهما تكون بساطتها..
تزيل همَّك
وانا اللي برضايا عليك..
تلاقي الجنة تندهلك
#أنا_أختك
أنا الضّهر اللي بيقويك..
في وقت الحزن مايهدّك
أنا الرُّكن اللي لو ميّلت ..
تلاقي بين ايديه راحتك
أنا اللي الدعوة من قلبي..
بتتمنى تشوف سعدك
#أنا_بنتك
أنا للجنة وبأخلاقي ..
راح اشدّك
أنا اللي بأصلي وبتربيتي ..
تطيب سيرتك
وانا اللي بتترفع هامتي..
في وقت مايتذكر اسمك
#جزء من #قصيدة
#أنا_المرأة
#ديوان
#شَق_الرّوح
#أسماء_كامل
