بقلم / أسماء كامل
كنت ماشية ف سكة ضلمة
راح غمزلي 😉 برمش عينه
سهم رمشه لما صابني..
قام فرش ف العمر نوره
واما همسه الحلو خدني..
تُهت فيه الليل بطوله
كانت الأيَّام ساعتها،
فارشة جوة العمر مر
والسنين كانت تملي،
ترمي فوق طريقي جمر
والحياه كات لمَّا تضحك،
تبقىٰ ضحكة اخرها غدر
زيّ مايكون قلبي صدَّق،
يلقى شباك للحياه
والضياع ف ايامي صدَّق ،
إنُّه يبقىٰ طوق نجاه
قلت يمكن يلقىٰ هوَّ ،
جزء حسَّاه فيَّا تَاه
واتولدت ف حضنه لمَّا،
لقيته مستحمل مراري
والدَّفَا اللِّي ف.قربه جنَّة،
تشفي وجعي .. تطفي ناري
دنيتي بدأت تنوَّر،
خايفة ليخيب اختيَاري
#غمزة_شوق
#اسماء_كامل
