بقلم دكتورة / جيهان النمرسي
مشكلة عضوة 👍
عاوزه افكار انا جوزي متجوز واحده غيري انا التانية بس انا الليله ال بيروح لها فيها بفضل اعيط ومش بعرف انام غير لما النهار يطلع من الغيره بحس ان نار جوايا ولما يجي ليا تاني يوم افضل اتشاكل معاه وازعق بس غصب عني وكمان لو حصل ايه باليل ماينفعش اني اكلمه هو قالي كده والله بكون تعبانه وبموت وبخاف اكلمه لان بيجي يزعق وهو عصبي لكن هي اول ماترن يقوم يجرى عليها يقولي يمكن تعبانه وكمان الليله بتاعتي يفضل يتكلم معاها كتير في التلفون واما ازعق يقولي انتي بتنكدى عليا ومش بطيق اجي هنا والنهارده لقيته كاتب لها علي الواتس والله باجي هنا بس عشان ربنا ولازم اعدل بس يابنات بحس انو مخنوق طول الليل ببقا عاوزه اقوله متجيش تاني ولما تكون هيبات عندها يجري من بدرى ويفضل يقول لها اعملي اكل كذا وكذا اكل حلو يعني وانا يقولي اي حاجه رايكم اطلق واطلع من حرقه الد٧م دى بس عيالي هربيهم ازاي ساعدوني بالله عليكم
الحل
السلام عليكم ورحمة الله وبركاته
لا تحرموا ما حلل الله
وكلنا ممكن نكون مكانها
لكن اللي ألومك فيه ان كل أختيار بيكون فيه جزء مر
وخصوصا الزوجة التانية
بنسميه في مفهوم المجتمع
زوجة بعض الوقت
واحمدي ربنا ان الاولي متفاهمة مش بتعمللك مشاكل ودوشة
لازم تتحملي اختيارك
وبعدين احنا لسة في مجتمع مصر مش عندنا ثقافة الزوجة الثانية يعني مافيش ست علي الكون بتحب زوجها تشاركه واحدة تانية بعكس البلاد العربية
عادي تانية وثالثة
ودة طبيعي لان الاولي بتشوف السواد عشان تعمله راجل مسؤل وفاتح بيت وفلوس وعيشة تانية والول ضحية بتكون هي
بس من عدل ربنا اما يكون الزوج تزوج للمزاج فقط تلاقي ضميره واجعه خصوصا لو هي لبها دور كبير في حياته وماله
فتلاقيه يحن وعاوز لها الرضا
نصيحتي ليكي هاتفضلي تتعذبي برقم ٢ والمقارنة لو مش قادرة تتحملي ودة واضح زي ماواضح ان نكدك زاد لدرجة انه بيهرب للأولي الذكية
وانتي فاهمة معني ذكية
نصيحة ياجماعة نص او ربع زوج لو انتي شخصيتك
الكل يابلاش
فبلاش احسن
ابعدي لو مش عندك منه اطفال
وابتدي بعيد عن زوجة بعض الوقت
لان في الاخر نهايتك صعبة
معاه. وكلامه لزوجته الاولي واضح
انسحبي بكرامه
واتعلمي الدرس
اما بالنسبة لأولادك حاولي تشتغلي وتربيهم انتي وحاولي تجدي رجل يكون اب لهم مش بنك
بلاش تدخلوا تجارب
فاكرين فيها
ان النصر مؤكد
في حاجات كتير بين الازواج
مهمة غير الحب
والفراش
د/ جيهان النمرسي
