بقلم / أسماء كامل
يا أصل الحب يا هنايا
يا جنة وعايشة جوايا
يا حلم وقربه دا منايا
يا راوي القلب لو عطشان
ياعشق وقلبي فيه هيمان
يا أغلى مكان
وفيه انا بنسى أحزاني
بعيش العمر من تاني
ما حبك أصله نوع تاني
يدوبني، ويوعدني
ما يوم الفرح دا يسيبني
أمان قلبك مطمني ..
بإني ما عيشها يوم وحدي
وكل المُر هيعدّي
وبكرة الدنيا هتهدّي
بكل مراكب الأفراح
يا زاوية أماني فيها براح
معاك برتاح
يا أهلى وعزوتي وناسي
يا تاج العِزّة فوق راسي
عيون قلبك دي حُراسي
من الأوجاع وذلتها
من الدنيا وحوجتها
دا انا نسيتها
نسيت وياك انا الدمعة
معاك انا بضوي ١٠٠ شمعة
هقولها والسنين سامعة
انا حبيت
والله يا قلبي واتهنيت
لقيت لك بيت
يكون لك نصك التاني
#نُصّك_التاني
#أسماء_كامل
