بقلم / أسماء كامل
كان القدر كافي
يجيلي متعافي
ويقول مصيرنا نعيش
بالدَّق فوق راسنا
والهَدّ في أساسنا
ويداري فيه بشويش
ما الدنيا دي غيّة
وعيونّـا معميّـة
دايرة كما الدراويش
وصوتها بـ الله حيّ
صوت الوجع بقى حيّ
لكن حياتنا مفيش
كشَفِت خلاص روحنا
والقشرة في جراحنا
بتشيلها ماتسميش
ياصوت مالوش آخر
يافـرح متّــاخِر
قرب بلاش تهويش
وشوِش ودَع للعمر
واديله مرة الأمر
يهدى ومايخطيش
بعــذابه أيامنا
دي الدنيا قدامنا
ماتسيبها فينا تعيش
واحنا بضمير مرتاح
صوت القضا سواح
بيصيب مابينقيش
#أسماء_كامل
