بقلم / أسماء كامل
#في_عيد_الحب ❤️
بحبك والطريق شاهد
على الخطوة اللي خطفتني
وخلتني!
أحب الشعر وبحوره
واحب الوزن و أصوله
واحب اللحن لو منك
ودا اكمنك!
بتعزف لحن يشجيني
ونغمة شوق بتهديني
ف الاقي القلب يتمختر
ويتغندر!
بكلمة ف يوم كاتِبهالي
بحبك فرحة جيالي
بترسمني
قصيدة ف بحر اشواقك
وموج عالي..
بيعلا يهِد في فراقك
ويوزن شطر من قلبك
فتعلن بالحروف حربك
ف الاقي الرُّوح بتستسلم
وبتقسم !
على الوزن وعلى النغمة
بحبك يابني والنعمة ❤️
بحبك قصد مع معنى
في وقت غروب بيجمعنا
ويسمعنا..
فتطرف عيني كام نسمة
تقرب وف ايديك بسمة
تقول انا روحي مشتاقة
بحبك دنيا سراقّة
بتسرقني
وفيها هواك بيلحقني
ويخطف م الحنان حبّة
في نن العين بيتخبّى
ويتدارى
من العين اللي صيادة
بحب الحب لو منّك
وليك اشواقي متقادة
#صباح_الحب❤️
#بحبك
#أسماء_كامل
