بقلم / أسماء كامل
نفسي اقولك كلمة حلوة
عُمر قلب ف.يوم ما قالها
نفسي أكتب حرف حَصري
يصيب عنيك ف.يزيد غزلها
نفسي أروي جوّة قلبك
نبتة تطرح عشق صافي
نبتة غارسة جذورها فيَّا
تحصد انت من دلالها
نفسي اكون لك حتَّة منّك
تمحي منّي أي خوف
نفسي أنقش جوة قلبك
كعبة وافضل عُمر اطوف
نفسي أفرش جوة ليلَك
حضن يبقى ركن دافي
حضن بس يحس همسي
ألقى فيه الشوق صنوف
نفسي اعيش لك دنيا تانية
دنيا مغموسة بحنين
دنيا فيها حلم بِـكر
تدعي بيه واقول آمين
عارف انت ياضيّ عيني
ياحتَّة منّي يانبض قلبي..
نظرة واحدة يا عمري منَّك!!
تسوى عندي العالمين
#حلم_بكر
