كتبت / سلوى لطفي
أثار الفنان المصري نادر أبوالليف موجة جدل واسعة على مواقع التواصل الاجتماعي بعد نشره منشورا غامضا ابتزازيا ومثيرا للجدل، وجه فيه تهديدا مباشرا لمذيعة تعمل في إحدى القنوات الفضائية.
وكتب أبوالليف في منشور على حسابه على “فيسبوك” قائلا: مساء الخير علي كل حبايب قلبي اللي متابعين، عايز اقول على مذيعة شغالة على قناة فضائية، أول حرف من اسمها N وساكنة في الرحاب، كنا أصحاب مقربين جدا جدا جدا، وبعد لما أخدت غرضها مني عملتلي حظر”.
وأضاف أبو الليف: “تخيلوا قلة الأصل والوطيان، ولو ما فكتش الحظر هقول علي اسمها والقناة اللي شغالة فيها واسم البرنامج، علشان بمزاجي، لكن تفتكري إنك مفتحة واخدتي اللي إنتي عايزاه مني وضحكتي عليا”.
وتابع أبو الليف “اهون عليا أقول كل حاجة، وأنا راجل مافيش حاجة تعيبني، وعندها ولد أول حرف من اسمه ي، أنا منتظر وعامل بأصلي وبالعيش والملح، وهنزل كمان صورا لينا لو ما شالتش الحظر”.
واختتم منشوره: “هيبقى كل حاجة على عينك يا تاجر.. أنا مش بهدد ولكن بعمل اللي عليا قبل لما أخد أي خطوة.. واللي عايز يعرف مين هيا يكلمني على الواتساب.. وشكرا”.
وأثار المنشور ردود فعل غاضبة واسعة، حيث اعتبره الكثيرون تهديدا صريحا بالتشهير ونشر صور خاصة، مما يعد مخالفًا للقانون ويُعرض صاحبه للمساءلة القانونية.
علق المحامي الشهير طارق العوضي عضو لجنة العفو الرئاسي على المنشور بتعليق حاد قال فيه:
“إيه الحقارة دي؟! هذا المنشور يتجاوز حدود الهزار ويمثل تشهيرا وإساءة متعمدة بالسمعة عبر تلميحات واتهامات مبطنة دون واقعة ثابتة أو دليل”
وأضاف العوضي “استخدام الغموض وذكر حروف أسماء وربطها بإيحاءات أخلاقية أو مهنية يعد جريمة تشهير وابتزاز، ويعرض صاحبه لعقوبات قانونية رادعة”.
ونادر أبوالليف فنان كوميدي وممثل مصري اشتهر بأدواره الكوميدية في مسلسلات وأفلام عديدة، وله حضور قوي على وسائل التواصل الاجتماعي حيث يتفاعل مع جمهوره بشكل يومي، وسبق أن أثار جدلا في السنوات الماضية بسبب تصريحاته.
