الفنانة نادية الجندي تكشف تفاصيل عن حياتها الشخصية بالفنان عماد حمدي

كتبت / سلوى لطفي

نخدع الناس زي الدراما، فيه إيرادات وشباك التذاكر هو اللي بيكلم، استمرار الفيلم في دور العرض عدد أسابيع قد إيه، لكن في الدراما ممكن نخدع الناس لأن مفيش مقياس للمشاهدة زي السينما».

وحول حياتها الشخصية كشفت الفنانة نادية الجندي كواليس علاقتها بالفنان الراحل عماد حمدي حيث أكدت أنها تزوجته وهي في سن صغيرة. وأضافت :«لما تجوزت عماد حمدي كنت صغيرة، كنت تلميذة في المدرسة، عندي 15 سنة، وكانت علاقتي بيه عن حب».

وتابعت: كان نجم مشهور جدًا وحبيت فيه النجم وشايفة فيه هيرو وبطل، كنت في سن ده معنديش خبرة ولا احتكاك، ومفهومي عن الحياة حاجة تانية غير دلوقتي«.

وعند سؤالها عن رأيها في شائعات ارتباطها قالت: “الشائعات كترت حواليا الفترة اللي فاتت بخصوص الارتباط والجواز”. وأضافت: “هو بغض النظر عن إني مش ببص للشائعات دي ولا بتشغلني، بس ليه لأ ليه متجوزش ومرتبطش”. وأكملت: “أنا كمان مش عندي مانع إني أتجوز في الوقت الحالي أنا كمان عندي مواصفات لفتى أحلامي”.
وأعلنت مواصفات فتى أحلامها قائلة: “لازم يكون راجل وأحس إنه قد المسؤولية.. لازم أحس بالحنان والأمان والصدق معاه.. لازم يكون محبوب بين الناس عشان أقدر أعيش معاه”. وأشارت: “أنا عارفة إن الصفات دي مش موجودة في الزمن بتاعنا دا”. وأوضحت: «بالنسبة لي في مواصفات تانية للراجل غير سنه». وواصلت: “عادي جدا لو اتجوزت حد أصغر مني لأن مفيش قانون بيحط سن معين بين الراجل والست”.

وكشفت نادية الجندي، تفاصيل جديدة عن علاقتها بالمنتج الكبير محمد مختار وقالت إن علاقتي به قوية للغاية رغم انفصالهما، قائلة: “طلاقي من محمد مختار قسمة ونصيب وكل حاجة مكتوبة وكل مرحلة لها وضعها ولكن أنا ومحمد مختار حاليا أكثر من زوجين وبينا العشرة والحب”. وتابعت نادية الجندي، أن : “اللي بينا شيء لا يتخيله أحد أخ وصديق ونستشير بعض في كل حاجة وهو انسان كويس، وشوفنا مع بعض أيام جميلة ونجاحات وعلاقتي به الان أقوى من أي زوجين وكلها احترام وحب”، مشيرة إلى أنها تشعر بالفنان صاحب الموهبة وتتوقع له النجاح.

يذكر أن آخر أعمال الفنانة نادية الجندي مسلسل ” سكر زيادة “، الذي تم عرضه خلال السباق الرمضاني 2020، والعمل من بطولة نبيلة عبيد، سميحة أيوب، هالة فاخر، مي الغيطي، طارق عبدالعزيز، أميرة هاني، هنادي مهنا، إنجي علي، مصطفى أبو سريع، وسيناريو وحوار أمين جمال، إبراهيم محسن، محمد فتحي عبدالمقصود، أحمد أبو زيد توفيق، وإخراج وائل إحسان.