كتب / حسن اللبان
الله يرحمه كان من أمنيه حياته إنه يلحن لأم كلثوم ، فالست اديته كلمات اغنيه كتبها مأمون الشناوي ، وقالتله ورينا بقى ..، فوزي خد الكلمات وجرى عالبيت وقعد يدندن ويلحن وفي باله ازاي ممكن يطلع اول لحن منه لكوكب الشرق
فى الوقت دا كان تلميذ فوزي ، بليغ حمدي رايح فى زياره لأستاذه ..وبعد ماراح له ، قام فوزي يشوف ضيوف كانو عنده ، وساب بليغ والورقه اللى فيها كلام الاغنيه قدامه عالترابيزه ..
بليغ مسك العود وابتدا يلحن الكلام ..ولما رجع فوزي ، كان بليغ خلص تلحين الاغنيه وقاعد بيدندنها فلقى فوزي في وشه ، اعتذرله جدا
قام رايح الانسان الجميل محمد فوزي واتصل ب ام كلثوم وقالها بالحرف ” بليغ لحن الأغنيه احسن مني يا ستنا واتنازل فوزي عن اللحن لبليغ رغم حلمه بالتلحين للست اللى مات ومحققوش
وغنت الست اغنية انساك من الحان بليغ حمدي
محمد فوزي لن يتكرر كإنسان ولن يتكرر كفنان .
