بقلم / أسماء كامل
(دور سقّا )
__________
وفجأة الحزن بيسلم وبيلملم
في كل الباقي له فيا
وياخد صاحبته الدمعة اللي كات حاجبة
ف.جمال الدنيا في عنيّا
ويمشي وجوة عينه دموع
يقولي الفرح مش باقي
وصفحة ف وسط أوراقي..
تقوله فارقنا واطمن
انا مأمّن على الأيام ماتوجعنيش
ولو حتى الظروف حكمت وكلمتك
ما تسمعنيش
وسيب الكون يرازيني ويكويني
يقيدني ويرميني
يبخ سراب على سنيني
يحاول يكتم الدقة
ولامبالاتي راح تنطق تقول لاءَ
زهقت أعيش ف.دور سقّا
بيروي شجرة الأحزان
دا بكرة الفرح يتكلم
واحس معاه بكل أمان
وهتعلم..
اقولك انت وسنينك
خلصنا وعمري ما هسلّم
كبرنا خلاص
وكبرت فينا أوجاعنا
وشاب كل الألم فيها
عرفنا ازاي نداريها
وزهق الدمع يرويها
وعهد عليا لو جيتني في يوم باقي
لاخلى الدمع ف عيونك
يصب من الجفون أوزان
واقول واهتف في كل مكان
أنا اللي الحزن كان جايلي يحزنّي
ف.حاربته وعيشته..
عمره الباقي ف الأحزان
ف.طاوعني..
ولملم ف.اللي باقيلك
وشق طريق مواويلك
وسيب عمري اللي شيّبته
يقيد للفرْح فيّا مكان
# أسماء كامل
