كتبت / سلوى لطفي
كان العندليب الأسمر بيحضر عروض مسرحية “مدرسة المشاغبين” كتير بسبب صداقته للزعيم “عادل إمام” وقتها
وفي مرة من المرات دخل “عبد الحليم” إلى الكواليس في فترات الاستراحة بين فصول المسرحية، وقال: “أنا عاوز أشوف الجدع الأسمراني ده”
كان وقتها عادل إمام في غرفة، وسعيد صالح في غرفة، و يونس شلبي مع هادي الجيار وأحمد زكي في غرفة واحدة
فدخل أحد العمال لغرفة “أحمد زكي” وقاله “عبد الحليم حافظ” عايزك بره، طبعاً “زكي” ما صدقش نفسه وقالهم بس بلاش هزار بايخ خلونا نجهز
لحد ما دخل عليهم حليم.. وقال له: “إنت هتشتغل معايا في الفيلم الجاي بتاعي (فيلم لا)” وطار “أحمد زكي” من الفرحة لكن القدر لم يمهله من تحقيق حلمه، وسافر “حليم” إلى لندن ورحل من دنيانا.