بقلم / حسن اللبان
يا قلبى ليه
يا قلبى ياللى احتار
ليه على الذكريات باقى
ماهو كل شئ انهار
ولا حد كان باقى
وللبعد ليه اختار
كأنه مشتاق لفراقى
ويا ذكريات ليه النار
بتغيبى عنى وفى الليل تتلاقى
ويا شمس كل يوم الدمع بيوجعنى
وشريط حياتى ادام عينى لحبيب خدعنى
لإنسان من الدنيا اشتريته وهو باعنى
يبقى ليه يا قلبى باقى
طب يا قلبى قولى ليه
مش انت اللى من حنانك سهرت ليالى تسقيه
مش انت اللى بحايتك كنت مستعد تفديه
مش هو اللى وسط طريق الشوك سابك من اديه
يا قلبى قولى بقى ليه
