بقلم / أسماء كامل
وانا معاك !! يااااا الله ♥️
الدنيا أساسًا ويّاك غير
وكأني طالعلي جناح وبطير
وبرفرف م الهوى في العالي
والعالم والكون يحلالي
وبلاقي عيونهم بصالي
بتقولي يابختك بحبيبِك
ياما نفسي أحس بإحساسك
ويكونلي نصيب زي نصيبك
ف بخمّس🪬 دايما وادعيلهم..
واتمنى من #الله يرزقهم 🤲🏻
وينوبهم م الأفراح جانب
ماهو أصل اللي الهوى بيصيبه
للقسوة ف قلبه مافيش نايب
وانا نايبي من العمر حنانك
وحنان الأيام الحلوة..
ما القلب تملي فاكرهالك
وبقولهالك وبعيدهالك
الراحة اللي تكون في وصالك
بتساوي الأيّام وهيبتها
ياحبيب العمر بكل سنينه
يا بصمة ف عمري وحبيتها
واتمنيتها .. تكمل بيّـا
دا انا حتى الكلمة على لسانك
بتنفس من روح حلاوتها
يخربيتها..
بتنور روحي بتفاصيلها
والضحكة بتخرج تغازلها
والنني كمان يتهجاها
واللمعة بترقص في مداها
وتتمناها .. توهبها النور
ف.تدووووووور.
في مدارك تحلا وتتهنى
تشرب م الشوق سنّة بسنّة
والعشق ملامحه تكملنا
يا مخلي حياتي ف قربك روح
ونعيمها دا حتة من الجنة
يا مخلي حياتي ف قربك روح
ونعيمها دا حتة من الجنة
#وانا_معاك
#أسماء_كامل
#جديد
