كتبت / سلوى لطفي
قال الفنان محمد الحلو: “أصوات كل العيلة حلوة بس ميقدروش يغنوا لإنهم لدغ فهيغنوا إزاي وهما عندهم مشكلة في الحروف،
منع والدة محمد الحلو من الغناء
وأضاف خلال لقائه ببرنامج “معكم” الذي تقدمه الإعلامية منى الشاذلي بقناة “أون”: “بابا منع ماما من الغناء وقال مفيش الكلام ده بس هي كان صوتها حلو وأنا ورثت منها الصوت الحلو”.
طقوس محمد عبد الوهاب
وتابعت: “الموسيقار محمد عبد الوهاب كان داعم ليَّ بشكل كبير، وافتكر إنه كان بيحب أفلام الرعب وكنت بجيب له الأفلام وساعات يكلمني وهو في البيت وساعات يقول لي بكرة بقى خلينا مصاصين دماء وأنا ما كنتش بقعد أتفرج معاه، بس كان بينام الساعة 8 بالليل وهو بياكل الساعة 6 مساءً وبياكل بطريقة بطيئة جدًّا وكان يقول لي امضغ اللقمة 38 مرة لإنه كان بيحافظ أوي على صحته”.
موقف طريف مع محمد عبد الوهاب
وأشار: “محمد عبد الوهاب مرة عطست قدامه طردني من البيت لأنه كان بيخاف على صحته أوي”.
تشجيع نادي الزمالك
وعن انتمائه في التشجيع الكروي، قال محمد الحلو: “أنا زملكاوي بس ما بقتش متعصب زي زمان”.
في نفس اللقاء، قال الفنان محمد الحلو: “مع إني ما خلفتش بنات بس إحساس صعب إن الأب يكون عنده بنت وبعدين واحد يجي يتقدم لجوازها وياخدها”.
محمد الحلو وحبه للبنات
وأضاف خلال لقائه ببرنامج “معكم” الذي تقدمه الاعلامية منى الشاذلي: “لو عندي بنت مش هنزل من البيت”.
حب محمد الحلو لهلا رشدي
وتابع: “وأنا بغني والفنانة هلا رشدي معايا في الإستوديو حسيت إنها بنتي، حتى أنتِ يا منى الشاذلي بنتي وبعتبرك بنتي”، لتعلق منى الشاذلي: “طبعًا ربنا يخليك يا أستاذ محمد”.
تعليق هلا رشدي
من جانبها علقت الفنانة هلا رشدي: “حسيت بدفا الأبوة وأنا بغني مع الفنان محمد الحلو أغنية الخير والبركة، ونزلنا الأغنية في الشتاء علشان تدفي الناس”
