بقلم الشاعرة المبدعة / اسماء كامل
كل ثانيِة شوق مابينا في مابينها ألف ثانية
فيها لحظة عاشقة لحظة عشت فيها ف دنيا تانية
عاشقة فرحة كات ف عيني لما شوفتك من سنين
عاشقة همسة ف صوت حنيني لمّا قلبي قال يلين
عاشقة ف وجودك أنيني بس تبقى انت المعين
عاشقة لهفة كات بتسبق خطوتي لساعة لقاك
عاشقة ضحكة بتترسم لك لما اشوف ف عنيك هواك
عاشقة غفلة جوة جنة فيها روحي تهيم معاك
عاشقة احساسي ف وجودك كانّه طير فوق السحاب
عاشقة أنفاسك في روحي حتّى قلبي منها داب
عاشقة غضبك كمان ياروحي بس يكون حضنك عقاب
عاشقة غضبك كمان ياروحي بس يكون حضنك عقاب
#لحظة_عشق
#أسماء_كامل
#ديوان
#شُفتك_في_الحلم_حلم
