بقلم / اسماء كامل
صباح الحب ❤️
يا أصل الحب يا هنايا
يا جنة وعايشة جوايا
يا حلم وقربه دا منايا
يا راوي القلب لو عطشان
ياعشق وقلبي فيه هيمان
يا أغلى مكان
وفيه انا بنسى أحزاني
بعيش العمر من تاني
دا حبك أصله نوع تاني
يدوبني، ويوعدني
ما يوم الفرح هايسبني
أمان قلبك مطمني ..
بإني ماعيشها يوم وحدي
وكل المُر هيعدّي
وهتهَدِّي
بكل مراكب الأفراح
يا زاوية أماني فيها براح
معاك برتاح
يا أهلى وعزوتي وناسي
يا تاج العشق فوق راسي
يا حُراسي
من الأوجاع وذلتها
من الدنيا وحوجتها
انا نسيتها
نسيت وياك انا الدمعة
معاك انا بضوي ميت شمعة
هقولها والعيون سامعة
انا حبيت
والله يا قلبي واتهنيت
لقيت لك بيت
يكمّل نصك التاني
