كتبت /سلوى لطفي
انا الحب اللي كان 💔
بعد انفصال بليغ و وردة سافرت “وردة” لـ فرنسا .. و قابلها في الشارع صحفي مصري و سألها بليغ عامل ايه ؟
فردت وردة .. مين بليغ ده ؟ انا ما اعرفش حد بالاسم ده
انتشرت الحكاية و وصلت لـ بليغ ، بليغ انها.ر جداً لما سمع الحكاية .. و اتصاب باكتـ ـئاب شديد .. بيحكي المخرج “جميل المغازي” صديق مقرب لـ بليغ بيقول انه هو و بليغ خرجوا يوم سوا بعد الانفصال و طلعوا على البحر و مسك بليغ العود و بدأ يدندن مع نفسه كلمات :
” أنا الحب اللي كان .. اللي نسيته اوام من قبل الاوان
نسيت اسمي كمان .. نسيت يا سلام على غد.ر الانسان ”
و بشكل عفوي كتب بليغ الاغنية و لحنها و بعتها لـ “ميادة”
و كانت رسالة عتاب شديدة من بليغ لـ “وردة”
في تسجيل نادر لـ “بليغ” قال كام جملة ما غنتهمش ميادة في الاغنية .. قال :
” انا الحب اللي كان .. انا اصدق انسان
وكان ياما كان ادي نهاية قصتنا .. مليانة بالاحز.ان 💔”
