بقلم دكتورة / هبه الألفي
#_نصيحهxجمله
( الحياة بتتعاش مره واحده بس .. بلاش بخل فى مشاعركم و فى الاهتمام )
الراجل مش طور فى ساقيه 👤
صدقوني انسان عادى و بيحس
محدش قال انه انسان ألى
ف معتقد بعض السيدات ان الراجل اتخلق لشيل المسؤليه فقط.
وان من دوره الاهتمام و الاحتواء و ماينساش
اى مناسبه
واخدين بالكم اى مناسبه🫣
يعنى مثلاً من واجباته ماينساش عيد ميلاد مراته دا يوم اساسي فى حياته 😉 يا اما أيامه كلها بعد كده هتتغير دا لو نسي لاسمح الله 🫣
طب وانتى يا عسليه مش من حقه برضه يحس انك فاكراه و مهتميه باليوم دا🥰
تعالوا بقي للفلانتين اللى خرب البيوت😂
و كأن الراجل هو بس اللى المفروض يهدى حبيبته
على فكره الفلانتين مرتبط بالاتنين 😂
طب عيد جوازكم
قسماً بالله اللى اعرفه ان الاتنين مسؤلين عن الحادثه دى 😂
يعنى الزوج ماعملش كل حاجه لوحده و اتزف لوحده و مضى على عقد الجواز وحده و انتى
اتفاجئتى مثلاً 😳 نعقل الامور يا غاليه
يعنى الهدايا مشتركه
طب واحده تسالنى و تقولى يا استاذه هبه
اعمل ايه؟
تعالى اقولك…
ممكن بحاجه بسيطه تعمليها ف البيت زى
تورته او كيكه انشالله ام على 😀 و متنسيش انتى كمان هتاكلى معاه.
اى نعم
الدقيق و السكر و اللبن و الزبادى و البيض و
السمن و الخ …..غاليين يمكن الهديه ارخص
بس المهم عملتى اللى عليكى👍🏻
واحده تقولى عملت و مقالش حتى تسلم ايديكى😂
هقول لحضرتك ادخلى نامى و بلاها كيكه
اقولك اعملى نفسك من بنها 😂😂😂
و لما تلاقى ناس تانيه مهتميه بجوزك اياكى تفتحى بوقك 😉
تعالوا للجد بقي !
الراجل الحقيقي و الكريم و صاحب قلب جميل بكلمه بسيطه يومه و موده بيختلفوا
بحضن و خوف عليه من التعب يشعر براحه
و يقدر يواصل حياته و يكون فرحان بالحب و الاهتمام
الراجل محتاج حضنك زى ابنك مش معنى انه راجل البيت يبقي حقه ضايع فى الحنيه🫂
المهم
انك تحتوى جوزك و بيتك و بلاش الزعل بسبب انه بينسي عيد جوازكم 😂
بس ممكن تقلبي عليه فى الفلانتين كله إلا الفلانتين الله يسامح اللى بدعه
كنا مع تعديل الاعياد من منظور المتزوجين
تحياتى للجميع وخصوصاً الرجاله الله يكون فى عونكم يا غاليين 😂😂
الاعلاميه / هبه الألفي
