كتب / رضا اللبان
تى هى ملكة فرعونية وجدة الملك توت عنخ أمون .الست تى كانت بنت عادية لا أجمل بنات جيلها ولا هى أميرة وكةنت بسيطة يعنى هبلة ، وظيفتها كونها مطربة للآله”حتحور” ودا معناه إنها شديدة الاحساس .
يمكن وظيفتها دى كانت مقدرة لسبب وكل شي مقدر ،لكن السبب هو إنها تلتقى بالملك “أمنحتب” الثالث واللى أكيد وقع فيها .
مش عشان جميلة بس يمكن عشان صادقة أو يمكن كانت شقية “نغشة” ممكن نقول مليون سبب لكن كلها أسباب تافهة لو تم مقارنة ،تى، بالأميرات في النهاية المقارنة مستحيل تكون لصالحها ، لكن القدر سيف ماض وبدون أسباب .يخلى الملك يعشق تى وعنيه ماتشوفش غيرها وفرحته مستخبية في ابتسامتها.
ولو بمنطق البشر نقدر نقول إن اللى ييميز “تى” فقد إن أمنحتب الثالث حبها ، هو كده الحب مالوش أسباب ، ما يميزها عن كل الجميلات والاميرات كونها حبيبته ..
وبما إنها من عامة الشعب الأسرة الثامنة اللى يينتمى ليها أمنحتب رفضت زواجه من مطربة الإله ، وتم تهديده من أهله ومن الكهنة بطرده من حكم مصر.
لكن واحد زى أمنحتب لما يختار بإرادة حرة رغم الحياة اللى عايشها ورغم كونه مدرك لكل التفاصيل الخاصة بالحكم وفي النهاية يقرر الزواج من حبيبته ،أكيد مكار ومش سهل ، مستحيل يكون راجل سهل.
يمكن انصرف بمنطق المقامرة وهو متمسك بحبيبته،. يمكن مكره كان أكبر من الكهنة، لكن الثابت إنه راجل قوى وقدر يتزوج من تى. وكمان يتمكن من الكهنة واللى بيدخلوا في كل شئون الحكم .
وبما إن تى ست رومانسية فأصبحت ملكة غير حاكمة، مكبرة دماغها ، كل حياتها حبيبها وزوجها، هو وبس ملكها ودنيوها .
كانت حبيبته لاشي يميزها سوى كونها حبيبته، وعشانها كان على بعد خطوات من التنازل عن العرش .
