قصة حب عميد الأدب العربي طه حسين وسوزان

كتب / حسن اللبان

(( … سأحاول أن أتحدث عنك مادام قد طلب إلى ذلك.. فأريد بكل بساطة أن أخلد للذكرى مستعيدة ذلك الحنان الهائل الذى لا يعوض ؛ ولا شك أنك تدرك ذلك أنت الذى كتبت لى ذات يوم “لسنا معتادين على أن يتألم الواحد منا بمعزل عن الآخر ” … )) من كتاب ” معك ” اللي كتبته ” سوزان بريسو ” عن زوجها الأديب ” طه حسين ” و اللي أبتديت تكتبه في سنة 1975 يعني بعد سنتين من رحيل جوزها عشان تنقل لنا حالة رائعة من الحب الأسطوري ,,
قصة حب “سوزان ” و ” طه ” من أعظم قصص الحب اللي ممكن تقراها في حياتك .. فالموضوع بيتدي لما طه سافر برا عشان يكمل تعليمه و اللي هناك أتعرف علي سوزان .. و بالرغم من أنه كان كفيف , إلا أنه شافها بقلبه و روحه .. فقرر بدون اي مقدمات , أنه يقولها بكل تلقائية : ” .. اغفرى لى , لابدّ من أن أقول لك ذلك , فأنا أحبّك ! … ” ,,, تخيل كدة واحد كفيف عايش برا بلده مش علي علاقة بإي حد في البلد اللي هو فيها , لكن تجي له الجرأه و الجنون ! انه يعجب بواحدة قلبه يتحرك ناحيتها و يروح يقولها “بحبك ” !!! ده أحنا بنكون عايشين مع اللي بنحبهم و وشنا في وشهم طول الوقت و بنخاف حتي نلمح بإي عواطف !! … و بالرغم من ان سوزان رفضت طلب طه إلا ان طه مخدش الموضوع علي صدره و كرامتي و شكلي و إزاي تعمل كدة ! او بدأ يكرها او يغير حتي مشاعره ناحيتها .. إنما تعامل مع الموقف عادي و فضل حبه لسوزان موجود حتي بالرغم من رفضها .. فحبه ليها مش مشروط بموافقتها , فهو بيحبها سواء رفضت او قبلت حبه ده !!
تمر الإيام و سوزان تدرك أنها مش قدام ظاهرة إعجاب عاديه , او حتي مشاعر إنجذاب غير ناضجة او متسرعة , لا ديه قدام حب عميق , قدام طلب إتحاد روحي و نفسي و فكري من الدرجة الأولي … و ده اللي بيخليها تتحدي اي ظروف حواليها و تقبل طلب الكفيف المسلم الغريب عنها ! .. بس الحب بيوحد الجنسيات , بيوحد الأديان , بيوحد البصيرة ..
في كتابها ” معك ” بتقول سوزان ان من الأسباب اللس دفعتها انها تكتب “معك ” إنها كانت بتقلب في رسايل طه حسين القديمة ليها فبتلاقي رسالة كانت بعتها لها زمان بتقول : ” .. بدونك أشعر أنى أعمى حقاً، أما وأنا معك فأننى أتوصل إلى الشعور بكل شىء ، وإلى أن امتزج بكل الأشياء التى تحيط بى .. ” ,, فبتقرر تكتب ذكرياتها مع زوجها , صديقها , حبيبها و شريك حياتها و بالرغم من أنه في عالم الأموات بالنسبة لكل الناس , إلا أنه عايش في قلبها و فكرها و عقلها ,,, عايش في كيانها و ذكرياتها ,, عايش في روحها .. ففي أخر الكتاب بتقول سوزان :
” .. و في النهاية، كُنا معاً دائما وحدنا قريبين لدرجه فوق الوصف .. كانت يدي في يده متشابكتان كما كانتا في بداية رحلتنا و في هذا التشابك الأخير، تحدثت معه و قبلت جبينه الوسيم .. جبين لم ينل منه الزمن و الألم شئ من التجاعيد .. جبين لم ينل منه هموم الدنيا من العبس … جبين لازال يشع ضوءاً ينير عالمي .. ”
فسوزان و طه .. قصة إمتزاج إنساني أتخلق من جوهر الحب ..