#الطبع_غلّاب

بقلم / أسماء كامل

دا قالي تعالي من تاني نعيد الحلم ونصونه
ونحلف تاني مانخونه
ونتغير ما نتحير ..
ولا ندور على الحرمان
أنا وانتِ قلوبنا زمان …
كانت تتمنى يوم صحبة
ملامح روحنا كات شاحبة
بتتعارض وتتقايض..
وتتعذب من الأيام.
تعالي نعيش سنين قدام.
نكمّل حلم ماكملشي..
نفرّح عُمر مافرحشي..
يا نور العمر سامحيني وبلاش تمشي.
وارمي عليا انا الأحمال.

دا كان هوّاااااال ..
وعدني بطبعه يتغير عشان طبعه دا له علّة..
زوالها هيعدل الأحوال.
نسيت انه في يوم اتقال ..
بإن الطبع شيء غالب.
تحارب فيه ما يتحارب ولو بان لك بإنه اتهز.
دا لو كان الثمن عمري وعهد الله ماكان يتعز.
بس يجيني يوم غالب لأي طباع تسيء ليا..
ولو كل العيوب فيا بيرجع ليه؟!
وليه تاني أعيش في عذاب !!
ويفتح جرحي من تاني ؟!
ما ينساني ..
ما عشت وراضية بالذكرى..
بمثل إني مش فاكرة ولا عايزة أشوف طيفه.
وقلبي يشوفه ف.حروفه ويحلم بيه
ف.لو يرضيه !!
نعيد الحلم م الأوّل !!
بشرط عليه☝🏻
يرجّع عمري ف.الأول.