كتبت / سلوى لطفي
يقول عمر الشريف “ لما كنا نزعل انا ورمزى كنت عارف ان هو اللي بيجي يصالحني الأول دايماً” ، وفي مره حصل ما بينهم خلاف كبير وفضل الشريف مُنتظر رمزي يصالحه لكن دا ماحصلش قرر عمر يروحله ويشوف ماله ، أول ما رمزي شافه قام وحضنه وفضل يبكي زي الطفل ، لما هدي شويه سأله إنت ليه ماجيتش تصالحني زي كل مرة ؟!
فكان رده “من كتر ما كنت بصالحك حسيت إني مش فارق معاك ماحبتش أفرض نفسي عليك وقررت بيني وبين نفسي إني أقطع علاقتي بيك رغم إن دا كان صعب جداً عليا بس إحساسي بأني شخص غير مرغوب فيه كان أصعب بكتير يا عمر..
متستغلوش حب حد ليكو غلط لانه ببساطه كتر ماهو بيجي ع نفسه عشان متبعدش عنه او ميخسركش هيجي عليه الوقت اللي تهون عليه حتي لو بيموت هيبعد وهتخسره مدي الحياه ..
احساس وحش جدا انك تكون دايما الطرف اللى بيدى ، وانه لما ييجى عليك الوقت اللى هتتغير فيه وتحاول تعزز نفسك ، هو الوقت اللى يبعدوا فيه مستنين منك انك ترجع تدى زى الاول ..
الخلاصه : أعرفو قيمه النعمه اللي ف ايديكو ، واعرفوا قيمه الصديق اللى دايما بيحاول ييجى على نفسه علشانك ، او الحبيب اللى بيفضل يصبر على غلطاتك علشان ميخسركش لأنه لما يبعد مره تأكد مليون ف الميه انه عمره ماهيرجع تانى ، مش لازم نضيع الحاجه من ايدينا ونحس بيها بعد ماتروح ..
