كتب / حسن اللبان
بما إننا برمضان شهر الخير وشهر الإسلام تعالو نتعرف على اهم مساجد العالم
وبالبداية حبيت اتكلم عن الجامع الأزهر بمصر
الجامع الازهر، القاهرة، مصر، بناه جوهر الصقلى قائد المعز لدين الله الفاطمى سنة 970، و أقيمت به اول صلاة جمعه سنه 972. عند بناءه كان يتكون من تلاته أيوانات حول الصحن، وكان اكبرها أيوان القبله، و كان به خمس أروقة. وعلى مر السنين والعهود تمت فيه بعض الزيادات، أهمها فى عصر الدوله المملوكيه. مساحته الآن حوالى 12.000 م مربع. للجامع ثمانية أبواب تمن أبواب.
بنى الفاطميون الجامع الازهر لكي يكون جامعاً فى عاصمتهم الجديدة. حيث كان فى مصر آنذاك جامعان هما جامع عمرو بن العاص فى الفسطاط و جامع احمد بن طولون فى القطائع ، و كان هناك جامعاً تالتاً فى العسكر لكن وقتها كان أطلالاً.
فى البدايه الازهر كانت صفته دينيه زى المساجد الجامعه الثانيه لكن بعدها اخد صفه علميه تعليميه ، فضلت الدراسه فى الجامع الازهر بنظام الحلقات حوالين الشيخ المدرس لغاية ما صدر اول قانون للازهر سنه 1872 بينظم طريقة اللحصول على شهادة العالميه و درجاتها. فى زمن محمد عبده (مفتى مصر مش شيخ الازهر) اتعملت فى الازهر لجنة اداره دايمه عشان تشرف على التدريس و نظام الأروقه. و فى سنه 1896 صدر قانون كساوى العلما و درجاتهم، و بعد كده اتعملت لايحة مرتبات، و اتنظمت شئون الاساتذه و الطلاب. اتضافت للمناهج مواد جديده زى الأخلاق و الحساب و الجبر و الهندسه و التاريخ الاسلامى، و تقويم البلدان. و فى سنه 1911 صدر قانون ينظم الدراسه فى مراحل، لكل منها نظام، و مواد تعليميه خاصه بيها. فى سنه 1930، وقت الشيخ المراغى، صدر قانون مهم حول الازهر لجامعه اسلاميه. و اتطورت الدراسه فيه بقوانين 1936 و 1937 و 1938
فى سنه 1961 صدر قانون تطوير الازهر الى نظم المعاهد الدينيه، و الدراسات العاليه فى كلياته التلاته: اصول الدين، و الشريعة، و اللغه العربيه. و بمقتضى القانون ده اتعملت كليات جامعيه مدنيه جنب التلت كليات الدينيه.
بيتبع الازهر معاهد ابتدائيه و اعداديه و ثانويه. وبييجى لجامعة الازهر طلاب من برا مصر من دول كتيره عشان يدرسوا.
الازهر، زائد انه جامعه، مؤسسه دينيه مهمه، وشيخ الازهر منصب مهم جدا فى الحكومه المصريه و بتعينه هيئة كبار العلماء فى الوقت الحالى عشان يكون مستقل عن السلطة التنفيذية في البلد ، شيخ الازهر الحالي هوه فضيلة الامام الاكبر احمد محمد الطيب. الازهر كجامع يتبع وزارة الأوقاف مش مشيخة الازهر، و مقر الجامعه فى مدينة نصر و الدراسة.
الثانوية الأزهرية تهدف وزارة الأزهر الشريف الى تدريس مناهج الثانوية الأزهرية للطلاب الراغبين في ذلك، وتنقسم الى تلاتهة أقسام، القسم العلمي والقسم الأدبي والشريعة الاسلامية،
