# سلوكيات مرفوضة

بقلم دكتورة / هبه الألفي

العيب مش على على الناس اللى بتتكلم
العيب على الناس اللى بتساق بهبل و من غير فهم
انا ليا سؤال بسيط و محتاجه إجابه
هو إحنا وصلنا لفين بالظبط
إنهيار خلقى و الحمدلله وصلنا لاعلى المستويات
إنهيار إنعدام الضمير و الحمدلله نحتل المركز الاول
إنهيار سلوكيات و غيره و غيره وغيره
مصر على رأس القائمه
فى ناس طالعه تتكلم بغضب عن الكلب اللى مات بحقنه مسممه
يا ناس يا معدومى العقل انتم فاكرين نفسكم عندكم إحساس بجد بالكلب
دا لو فى إحساس كنتم وصلتم صوتكم لأعلى
مسؤلى الحكومه على اللى بيحصل من بلطجه
واحد اتقتل بطعنه عشان دافع عن اخواته البنات
اتخانق و الناس حواليه واقفين يتفرجوا
اخد الطعنه و الناس شايفينه بينزف
كان عريس هيدخل بعد العيد
و بدل ما يفرحوا بيه
بكوا عشان خرجته اللى كانت قبل العيد بايام
و جايين تتكلموا عن كلب

اذا كنتم معندكمش احساس ببعض
اذا كنتم اهل و بتاكلوا ف بعض
اذا كنتم اخوات و بتتربصوا لبعض
اذا كنتم اصحاب و بتكرهوا الخير لبعض
و تلوثوا سمعة بعض
و تسرقوا بعض
قبل ما تفكروا تعطفوا على الحيوان
اعطفوا على اخواتكم المحتاجين ومش لاقيين
مأوى
ولا اكل و شرب و حيطه يناموا تحتها يتحاموا فيها من برد الشتا و حر الصيف
اصنعوا خير يدوم العمر كله عليكم بالخير
اصنعوا خير يدوم أمام الله و عندما تُسال سيكون أجرك عظيم
# هبه الالفى