عاجل

السيسي وعبدالله الثاني.. بيان يؤكد “الموقف الواحد للملف الفلسطيني
جوارديولا يشيد بمحمد صلاح ويعتبره اللاعب الافضل في العالم
الجوز أم اللوز.. أيهما أفضل لتقوية الذاكرة ولماذا؟
الجيش الإسرائيلي يشن الآن غارات جوية على جنوب لبنان
ترامب يعلن عن لقاء روسي أمريكي أوكراني في السعودية الأسبوع المقبل
صلاح يصنع ويسجل وينفرد برقم قياسي جديد بالدوري الإنجليزي
العراق يسحب الدعوى القضائية المقامة ضد الإعلامية الكويتية فجر السعيد بعد اعتذارها
بلاغ ضد وزير الشباب .. أزمة تجميد مجلس إدارة الشيخ زايد المنتخب تتصاعد
مصر.. فرنسي يتسبب في كسر حجر أثري ضخم بمعابد الكرنك
اصطدام حاملة طائرات أمريكية بسفينة تجارية في بورسعيد بمصر..
“حماس”: مستمرون في تطبيق اتفاق غزة رغم الخروقات الإسرائيلية
“العدو اللدود” كاراغر يصالح محمد صلاح بـ”الكرة الذهبية”
تركي آل الشيخ يستبق تكريم عمر خيرت في الرياض بإعلان مهم ورسالة “لاذعة”
خبير مصري يعلق على تهديدات الإعلام الإسرائيلي لبلاده
خبير استراتيجي: الموقف العربي الرافض للتهجير يتبلور بشكل واضح في قمة القاهرة

# عندما زعلت أم كلثوم من شويكار

كتبت / سلوى لطفي

ليه ام كلثوم زعلت من شويكار ؟!!
سنة ٦٥ كان الثنائي فؤاد المهندس وشويكار بيعرضوا مسرحية “انتي فين وانا فين” على مسرح الاوبرا; والمسرحية دي نجحت وكسرت الدنيا ودغدغت الإيرادات كلها.

المسرحية بتحكي عن ايوب “فؤاد المهندس” اللي بيشتغل عند “شويكار” اللي جوزها توفى والمفروض انه كان شبهه جدا .. فبنتها لما بتشوفه بتفتكره ابوها وبتتعلق بيه فبيقرب منهم ويتعلق بشويكار لكن علاقتهم بتفشل بسبب فرق المستوى الاجتماعي زي ما هو باين من اسم المسرحية.

المهم … بعد نجاح المسرحية عرفت شويكار ان ام كلثوم عايزة تيجي تتفرج على المسرحية.. وعشان كده اتصلت شويكار بالست وعزمتها على العرض وام كلثوم تقريبا ما صدقت وقالتلها طب انا جاية احضر العرض بكرة !!!

المهندس وشويكار كانوا بيعملوا اجتماع كل يوم مع إدارة مسرح الاوبرا عشان ترتيبات العرض وكده .. المهم بعد ما خلصوا شويكار قالت لمدير المسرح “بالمناسبة نسيت اقولك ان الست جاية النهاردة!!” طبعا الراجل قاله ست مين وما كانش مصدق انها بتتكلم عن أم كلثوم ولما لقاها بتتكلم جد قالهم “انتوا بتهزروا يا جماعة! جايين تقولولي دلوقتي .. الست دي لازم يتعملها استقبال رسمي وتأمين وليلة كبيرة اوي سعادتكم”

طبعا الست جت واتعملها استقبال عالمي وقعدت في بلكون كبار الزوار واتفرجت واتبسطت .. وبتحكي شويكار انها كانت طول الوقت بتمثل على المسرح وعين على الجمهور وعينها التانية على الست وبتراقب رد فعلها اول بأول وكانت بتتبسط جدا لما تشوفها بتضحك لانها كانت خايفة اوي ما يعجبهاش العرض!!

قبل النهاية واحد من المرافقين اللي مع ام كلثوم راح لفؤاد وشويكار وقالهم الست عايزة تحييكم وتسلم على فريق عمل المسرحية. وفعلا نزلت ام كلثوم سلمت عليهم واحد واحد وقاللتهم الله ينور لحد ما جت لشويكار قالتلها “انتي بقى انا زعلانة منك” !!! طبعا شويكار وشها جاب الوان وقالتلها ليه يا ست انا عملت ايه ؟!

قالتلها كده برضه تسيبي المهندس في اخر الرواية ؟!طبعا كله ضحك وشويكار قالتلها يا ست احنا بنقدم كوميديا بس لازم نقدم رسالة في الاخر وكنا عايزين نقول ان الجواز لازم يكون في تكافؤ والكلام ده… لكن ام كلثوم قالتلها انا ما اعرفش الكلام ده اعملوا اللي انتوا عايزينه بس اوعى انتي والمهندس تسيبوا بعض تحت اي ظروف

زي ما قالت الست … تحس فعلا ان شويكار وفؤاد المهندس توأم وحاجة واحدة ما ينفعش يبقوا اتنين ودايما حتلاقي كل واحد فيهم بيقدم افضل اداء لما بيكونوا مع بعض.

Facebook
Twitter
LinkedIn
WhatsApp
Print
booked.net
موقع الرسالة العربية