كتبت / منال خطاب
الشقراء هند رستم
– هل مدام هند رستم كانت بالحلاوة والشياكة اللي بنشوفها في الأفلام ؟
= يا خبر ، طبعًا جدًا
ده في فيلم (ابن حميدو) اللي كان بيخرجه فطين عبدالوهاب كنا قاعدين كلنا في لوكاندة في السويس مكان ما بنصور وكل ليلة على الساعة 9 كده نتجمع مع بعض أنا وفطين وتيجي هند بعد شوية ليدي كده تقعد معانا ونقعد نعاكس فيها طول الليل ، بعد كده الموضوع اتطور وابتديت أنا وفطين نشد مع بعض ونغل من بعض وإحنا بنعاكس هند ، المنتج لاحظ الحكاية دي فـ عمل اللي خلانا نتأدب بقية تصوير الفيلم
عمل ايه ؟
= نزل القاهرة جاب مراتي وجاب ليلى مراد زوجة فطين ورجع عشان نقعد بأدبنا
واتأدبتوا ؟
= اتأدبنا ،،،
