كتبت / سلوى لطفي
عبد الحليم حافظ وإسمه الحقيقي عبد الحليم شبانة (21 يونيو 1929 – 30 مارس 1977) ماذا قال عبدالحليم قبل وفاته ؟
قال عبدالحليم لأحمد فؤاد حسن ” استعد للشقا” أنا جاي بعد اسبوع عشان البروفات لأن مفيش وقت فاضل شهر علي حفلة الربيع
وقال لمحمد شبانة :
إذا كنت مدهنتش أوضة النوم بتاعتي خليها زي ما هي علي لونها اللبني لأني باتفائل باللون ده .
وقال لمجدي العمروسي:
والله يا مجدي أنا قريت السيناريوهات التلاتة وكلهم كويسين مش عارف ابدأ بأي فيلم فيهم .. علي كل حال بإذن الله يتصوروا التلاتة خلال سنتين لأن بقالنا كتير قوي معملناش حاجة في السينما.
وقال لعبدالرحمن علي :
والله انت بقيت زي الفل وصحتك عال ده احنا كلنا ح نموت قبلك .
وقال لعمر الشريف :
الظاهر مش ح اقدر أجيلك باريس المرة دي لأن مفيش وقت علي كل حال ح اسيبها لظروفها .
وقال لمحمد عبدالوهاب :
الحمد لله العملية نجحت وبقيت زي البمب علشان أقدر أغني اللحن الجديد لأنه عايز مجهود كبير وبروفات كثيرة لكن للاسف مات حليم بعد رحلة مع المرض الطويل الذى استغراق طوال حياتة والألام الكثيرة الذى كان يشعر بها العندليب والحرمان من كل ملذات الحياة وكانت صدمة كبيرة جدا على الشعب المصرى بوفاة اعز الناس حليم ومعشوق كل الجماهير وحبيب كل الملايين من كل أنحاء العالم كلة
ربنا يرحمك يا عبد الحليم
