عاجل

إعلامي إسرائيلي يتنبأ بسيناريو مرعب.. وخبير مصري يرد
هل تحدث مواجهة بين مصر وإثيوبيا؟.. تقرير إسرائيلي يتحدث عن تداعيات إعلان افتتاح سد النهضة
فيلا فاخرة بسعر صادم.. كم دفع صلاح مقابل منزله الجديد في تركيا؟
الحوثيون يُعلنون إغراق سفينة ثانية في البحر الأحمر ويكشفون مصير طاقمها
الوزراء: برنامج خاص بالإسكان الاجتماعى لإتاحة وحدات بديلة
حريق فى محطة محولات غرب العاشر من رمضان
فوائد اكل الشمام في الصيف
الاهلى يستقر على تعديل عقد ديانج
الزمالك يكرم أيمن الرمادى بعد التتويج بكأس مصر
سوهاج: تكثيف حملات تحليل المخدرات للسائقين
10 سنوات لـ7 متهمين بدفن شاب حيا داخل ماسورة مياه فى المحلة
بعد إحالة أوراق قاتل امه للمفتى: أنا راضى بالحكم
وزير الإتصالات: سنترال رمسيس لم يعد صالحا فى الوقت الحالى حتى تتم أعمال التبريد
إبراهيم صابر:8158 مشروعًا حصاد ثمار 30 يونيو
“حول تعريف البطل الحقيقي”.. إليكم ما نعرفه عن فيلم “درويش” وموعد عرضه

# بركان غضب ….. شعر

بقلم / أسماء كامل

بركان بيغلي من سنين كاتم في نيران الغضب
لو لطّه بس أيادي بور ..
راح يقلب الصمت لصخب
هيخلي ليله الهادي نار
و يقلب الأيام دمار
حتى العمار ..
هيهد فيه
ويشيل بإيده كل عمدان شدها
وكل لحظة حب منّه
بقلب راضي وحطّها ..
هيهدها.
ويزرع الأيام شقوق
وكل قلب سقاله جرح بنفس كاسه راح يدوق

حبِّة هدوووء
واسمعوا الحكم الأخير
انا عمري كله ضاع هدر وقلبي للأحزان أسير

مش ناوية اكمل سكتي تاني ف عذاب
ولا قادرة اشوف أحلام سنيني ف.نظرته.
بسهولة تتحول سراب

أصل الخرااب…
بيمحي فرحة من سنيني رغم حزني صنعتها
وكل لهفة جوّة قلبي بكُل كِبر قتلتها

هيحسها..
لما يلقى الدنيا جاية وقايدة أيامه بنيران
واما يلقى اللي جاي جاي يدوقه طعم الحرمان

أمان وضايع من سنيني وطول حياتي بمثله
تظهر ملامحي بالسعادة ووجعي لازمً أركنه

و بحِن له..
قلبي اللي مزروع وسط شوك يتمنى تفرح دنيته
نفسه بس ف يوم يفوق ويعيش جمال حنيته

دا موته..
بطبع متعود يعيش ياخد ويغرف م الحنان
واما اعوزه يقول مفيش وقلبه أفقر م الزمان

حرمان..
عشت عمري أداري فيه ومبيّنة الورد الحزين
رابطة جوّة دموعي ضحكة وحزني عايشاه ك.السجين

سنين وتايهه بين ملامحي وعمر مسروق فرحته
نفسي افك قيود فرضها ضعف طبعي ورقته

بركان ف.قلبي من سنين. ونفسي احرر كتمته
بركان ف.قلبي من سنين. ونفسي احرر كتمته

Facebook
Twitter
LinkedIn
WhatsApp
Print
booked.net
موقع الرسالة العربية