بقلم / عبد الحليم سعيد
★ الفرق كبير بين من :
يعيش في مصر/ ومن يعرف القليل عن مصر / ومن يفهم مصر / ومن يحس بمصر.
** فيه ناس عايشه في مصر وما تعرفش عنها اكثر من مواضع اقدامها وأمور حياتها اليوميه …
** فيه ناس تعرف مصر على قد ما تقدر تاخد من مصر …
** فيه ناس تعرف كثير عن مصر : تاريخ وجغرافيا وسكان ، ولكنها لا تشارك ،، تسمى حزب الكنبه ،، …
** فيه ناس فاهمه مصر ، فاهمه السيكولوجيه المصريه ، فاهمه طبيعة الشخصيه المصريه بنت سبعة الاف سنه من التجارب ، فاهمه الخيوط غير المرئيه اللي رابطه الناس بالارض والسماء والتراب والميه والناس : تعرف تربط الماضي بالحاضر بالمستقبل :
بتحس بمصر : يتألموا لو تألمت ، يفرحوا لو فرحت ، يندفعوا الى الشوارع لحمايتها من اي خطر داخلي او خارجي ، يندفعوا الى الشوارع للتعبير عن فرحتهم باي انتصار في اي مجال ، يعيشون في مصر وتعيش فيهم : هما دول القوه العميقه لمصر اللي شايله مصر على اكتافها في السراء والضراء ، يتكاتفوا ، يتكافلوا ، يتعاونوا ، يسالوا انفسهم : ماذا اعطوا لمصر التي توفر لهم : الوطن والمظله والامن والاستقرار والخير ومستقبل الابناء والاحفاد …
(( انت مين من دول ؟ وبتوجه اولادك والاجيال الصاعده علشان
يبقوا مين من دول ؟ )) …
======
★ اللهم احفظ مصر من كل شر وسوء ، واجعلها بفضلك امنة ، مطمئنة ، سخاء ، رخاء وسائر البلاد يا رب العالمين ..
