# نور الشريف وحبه الوحيد لبوسى ….

كتبت / منال خطاب

نور الشريف لما محمود سعد سأله عن بوسى بعد ما انفصلوا رد وقال : “عمر الروح ما تسيب بيتها وعمر القلب ما يسبب سكينته هنرجع لبعض تانى مهما بعدنا” ضحك محمود سعد وقال : “الناس كلها عارفه إن كان بينكم حب شديد” رد وقال : “كان ومازال ومستمر ،الناس متعرفش إلا 1% بس من حبنا واختيارنا لبعض، عمرى فالدنيا ما قلبي يشوف غيرها لأنه اتعود عليها فرحتي وسعادتي وعكازي” فسأله : “أُمال ايه سبب الانفصال؟” رد وقال : “الدنيا ساعات بتجبرك على أفعال مش بمزاجك واحنا قولنا عشان نحافظ على حبنا نبعد عن بعض فترو نصفي ونرجع تاني، وأنا فشلت وبقول هنرجع بإذن الله مهما بعدنا دي حبيبة عمرى وأم بناتي واللي كل لحظه حلوه كانت معاها هي وبس” فرد محمود سعد وقال : “الواحد هيدمع كده ده كلام كبير” رد نور الشريف وقال: “أُمال انت فاكر الحب ايه؟ الحب مش كله سعادة وفرحه ولحظات حلوة بين اتنين، اللحظات الحلوه مش بتبين الحب، لو الاتنين دول بيحبوا بعض مهما بعدوا هيفضلوا شايفين بعض وعنيهم مش هتشوف غيرهم مهما حصل”