بقلم دكتورة / هبه الألفي
( اوعا تستأمن حد إتكلم عن غيرك
ف الثعبان لا يعطى العسل بدل السُم )
فيه نوع معين من البشر، لما يحس إنه مش قادر يأذيك بشكل مباشر، بيلعبها بطريقة تانية..
يبدأ يشوه صورتك، يحاول يخليك في نظر الناس الشخص اللي مش المفروض يثقوا فيه. وده مش ضعف منك، دي علامة واضحة إنك مأثر، وإنك واقف في مكان مش قادرين يهزّوك منه.
بيقرروا يلعبوا اللعبة الرخيصة.. الشائعات، التشويه، الافتراء، كل حاجة ممكن تدمّر صورة حد من غير ما يكون عنده فرصة يدافع عن نفسه.
مشكلتهم مش معاك.. مشكلتهم مع نفسهم
مع إحساسهم بالنقص
أفضل رد على النوع ده من الناس هو التجاهل. مش كل معركة تستاهل إنك تدخلها، ومش كل كذبة لازم ترد عليها. فيه حاجات بتبان مع الوقت، والناس اللي فعلاً تعرفك مش هتصدق أي كلام يتقال عنك من غير دليل.وسيب الزمن يفرز مين الصادق ومين الكذاب.
مش كل الناس هتحبك، مش كل الناس هتفرح بنجاحك، ومش كل الناس هتتمنى لك الخير.
تأثيرك بيزعلهم حتي حب الناس ليك بيضايقهم اوي عشان هم مكروهين من السواد اللي جوه قلوبهم فالناس بتنفر منهم إلا اصحاب المصالح والمنتفعين والجعانين
اللي بيتكلموا عنك هم نفسهم اللي مش قادرين يبقوا زيك…لكن ثق ان الله يرى
و ينير القلوب ❤️
تحياتى 🙏🏻🌺🌺🌺
الإعلاميه/ هبه الالفى
