بقلم / حسن اللبان
مش قادره اشوف حزن في عينيك
كل الوجع فيا اكتمل
حسيت بان الحلم فيك
كان هو نور وياه امل
دور علي نقطة حياه
ازرعني فيها وحبني
كل الجناين انا ورده فيها
وانت اللي قطفتني
لملم سنيني ضمني
انا روح جديده بتتبني
منك انا
عصفوره وجناحها طري
اتعطري يا سنين بروحي اتبخري
ارقيني رقوه من حبيبي المصطفي
واستشهدي بربك وقومي وكبري
النوم مخدة كل احلامي انا
بسرق معاهم جنتي وبفرح سنه
يا سنين عفيه وملهمه
فجرتي فيا المستحيل
وبقيت باعيشك بس ليل
ونهار بيسرق ضلنا
ويهرب هنا
جواكي نور من ربنا
