بقلم / أسماء كامل
#طب_ايه_رأيكوا
لو شوفنا الدنيا بعين مَيِّت!!
أو مرّة نشوفها بعين مظلوم
أو متأيّد
وان مرّة لمحنا خيال اللّي آنينا..
نِركعله.. وأؤمرني ياسيّد
وياريت نتدّارى بـ.صرخاتنا
في بحور الخوف
ونحارب في نيران تتمنّى
تخرج م الجوف
نكتب وكلامنا ماهوش أكتر
مِن رص حروف
ونتابع موازين أيّامنا
وهي بتتهز
ونشوف الذُل على الخصر
بيعلى ويترص
نفتح للجُبن ابواب عُمرِنا
وبكل ذكاء..
يرسى ويندس
خلينا نطبّش ف الأيام
ونعيش بلاويهَا
ونواسي ف ايتام بتدّور
على حق يجيها
بقى يعني قلوبنا دي راح تِخلِص
أكتر من قلب اللّي حاميها؟!
خلينا نلملم أوجاعنا
ونتدارى ف حيط
ونقلِّب دواليب أيّامنا
علىٰ حتِّة خيط
وعليها نعلَّق أسبابنا
في عشيتنا عبيّد
وكمان نختار العبوديّة
اللّي تليق بينا
ونمثّل إننا بنبادل
في أرآء ترضينا
نخرج للدنيا وضحكتنا..
قافلة عنينا😑
#أسماء_كامل
