كتبت / منال خطاب
#فريد_شوقي فى حوار له عن #رشدى_اباظه
_ رشدى كان ثقافه انجليزيه و فرنساوى كان بيتمتع باللغات وكان ممكن ينطلق اوى لولا الازمه اللى حصلت له بس ماعملتش عقده معاه لانه انطلق هنا وانطلق اوى كمان
= وياترى هو ندم على الفرصه دى
_ رشدى ماكنش بيندم على حاجه ابداا
= لو قلنا ايه اللى بيميز رجدى اباظه
_ رشدى اباظه ربنا خلقه نجم شكلا و موضوعا طبعا النجوميه دى يلزمها شوية مواصفات وبعدين دى حاجة من عند ربنا فى بقى اللى يجمع بين النجوميه و ممثل
مثلا السيده فاتن حمامه نجمه و ممثله و سعاد حسني نجمه و ممثله وفى ممثل بس زى حسين رياض ممثل عظيم و زكى رستم ممثل عظيم إنما النجوميه دى اللى بتبيع ورجدى اباظه نجم اكتر منه ممثل لأنه محبوب الكل بيحبه إلى جانب أنه بالتعبير كده جدع واد جدع شهم ابن بلد وده فى الحياه كان موجود فيه وعلى الشاشه بيبان ده وكان بيحب المظاهر. يعنى يركب عربيه رولز رويس موتوسيكل قدام و موتوسيكل ورا هو كان بيحب الكلام ده وكان ممثل عظيم ملامحه الشكليه تؤهله أنه يعمل اى حاجه الباشا والعامل وعمل رئيس عصابه وعمل ظابط بوليس هو كان يعرف يعمل اى دور
