# عيد ميلاد الزعيم عادل أمام

بقلم / سحر طلعت مصطفى

مفيش حاجة في الدنيا أجمل من إنك تقدر تخلي حد يضحك من قلبه.. تنسيه همومه اليومية ولو لكام ساعة وتخليه مستمتع بالوقت..
لكن تخيل لما تضحكه وانت بتوعيه وبتناقش أفكار مهمة جدًا.. للإنسان وللوطن..

دي المعادلة الصعبة اللي قدر يحققها “الزعيم” عادل إمام في مشواره الطويل من الإبداع والفن..
قدر يواجه بأعماله “طيور الظلام” ويوصل لقلوب الناس.. كان دايمًا “الحريف” “وصاحب السعادة” اللي قدر يعبر عن كل الطبقات.. من “المنسي” و”المتسول” لحد “الغول” و”الأفوكاتو” وعمره ما خاف من “اللعب مع الكبار”.. وكتير من أعماله سبقت زمانها وكأنه كان “العراف” شايف اللي هيحصل في المستقبل وبيحذر منه..
النهاردة بنحتفل عيد ميلاده وبنشكره على عُمر من البهجة والتنوير والإخلاص الحقيقي للفن..
كل سنة طيب يا زعيم
#سحر_طلعت_مصطفى