كتبت : أية دياب
أعلنت الفنان بدرية طلبة عبر صفحتها شخصية موقع التواصل الإجتماعي “فيس بوك” عن كتب كتاب أبنه شقيقها الذي توفي ، و طالبت الجمهور بالدعاء له بالرحمة و المغفرة.
و كتبت بدرية قائلة عبر صفحتها “كبرتي يا قلب عمتو بنت أخويا رحمة الله عليه ، و كتب كتابها النهارده ، ربنا يخليلك أعمامك و خلانك الرجالة المحترمين سندك و ضهرك و يرحم أبوكى برحمته الواسعة ، ادعو لمريم ربنا يتمم لها فرحتها و أشوفها أسعد البنات في بيتها الزفاف ٩/٤ عقبال عندكم”.
و من جانب أخر ظهر شقيق بدريه طلبة و فاجئ الجمهور برد فعلة ، و الذي أكد أنه ليس متوفى كما تدعي بدرية طلبة ، و أن ذلك نتيجة خلاف بينهما.
و علق وليد طلبة شقيق الفنانة بدرية طلبة قائلا عبر صفحته “يا جماعة الفنانة بدرية اللى كانت المفروض أختى منزلة نعى عنى إنى اتوفيت ، و المفروض اللى في النص دى كانت بنتى و عشان رفضت أروح كتب كتابها النهارده طلعوا عليا إشاعة الموت ، بجد حسبى الله و نعم الوكيل فيكم”.
و تابع “إنتو كلكم ميتين بالنسبالى من سنتين لما سبتو البيت و نزلتوا الساعة ٢ بالليل ، جايين دلوقتى تحتاجولى في كتب الكتاب ، أنا يا جماعة ماليش عيال”
و أكمل حديثة : “و عيال مين اللى يعلقو على إشاعة على أبوهم إنه مات والله يرحمه و انا على وش الدنيا ، عيال مين اللى أروحلهم تانى ، أنا خلاص ماليش و لا عيال و لا أهل و اخوات ، و انتى يا فنانة ميتة بالنسبالى من زمان”.
و أضاف قائلا : “و إن شاء الله اللى قولتيه عليا بالكدب هيتقال على جوزك يوم فرح بنتك بالصدق إن شاء الله”
و تابع وليد طلبة مهددا الفنانة بدرية طلبة قائلا : “و انتظروا منى أحلى مفاجآت ليكم ياللى المفروض كلكم اخواتى و من بطن واحدة ، انتظروا منى احلى مفاجآت للكل و انتوا اللى بدأتو الحرب معايا”.
و أختتم حديثة قائلا : “بالله عليكم يا جماعة أنا عاوز البوست ده يتشير كتير عشان أثبت كذب الفنانة ، و أنا هطلع لايف كمان شوية بصوتى عشان تتأكدوا إنى مش بكدب و هطلع معايا مفاجآت هتعجبكم اوى”.
