كتبت : أية دياب
كشفت الإعلامية ريهام سعيد، عن تعرضها للسحر الأسود بوقف الحال و العمل و المرض و الطلاق ، و أنها بسبب هذا السحر لا تستطيع قراءة الاذكار و التسبيح.
و في بث مباشر عبر صفحتها الرسمية على موقع التواصل الاجتماعي ، روت ريهام سعيد تفاصيل ما تعرضت له من سحر و قالت : “قضيتي إني مؤمنة إن كل شوية بيتعمل لي سحر بوقف الحال و الشغل و المرض و الطلاق ، و الناس بتاعة ربنا اللي مش بيبقى ليها في الدجل و الشعوذة بيقولولي إن أنا معمول لي سحر ، و كل ما يتفك الجهة دي بتجدد تاني و للأسف هي مش جهة واحدة اللي بتعمل كده ناس كتير أوي و أسبابهم مختلفة”.
و أضافت ريهام سعيد إن هناك علاقة وثيقة بين الآثار و السحر ، و أن معظم من يعملون في السحر يعملون في التنقيب عن الآثار ، و الدليل على ذلك أنها لاحظت تغير حياتها رأسا على عقب بعدما ذهبت لمنزل 5 فتيات في إحدى حلقات برنامجها ، قالوا إن منزلهم تحته آثار و لذا حدث لهن مس.
و تابعت ريهام سعيد قائلة : “طبعًا كل اللي بيحصل بإذن الله و من عند ربنا ، فأنا مقتنعة أن كل اللي بييجي من عند ربنا خير ، لكن أنا بجد تعبت من موضوع السحر ، لأن بيحصل أمور غير طبيعية و لا تتوافق مع قدراتك” ، مشيرةً إلى أن الداعية مصطفى حسني قال لها : إن سورة البقرة قوية جدًا اقريها كل شوية”.
و أردفت : “كل ما أجي أمسك سبحة لأعمل أذكار الصباح و المساء يحصل حاجة و معرفش أقولها، فعلاً الحاجات دي مُتعبة و الناس اللي بتعمل فيا كده مش عايزة تهدأ غير لما تقضي علىّ خالص ، أنا فعلا زهقت و فكرة أن حد يأذيني بتبقى صعبة أوي ، عايزة اقرأ سورة البقرة كل يوم ، و عايزة أعمل أذكار الصباح و المساء ، و بدعي ربنا أن يبعد عني هذا السحر صعب جدا ، أنا لما بصلي بنهار من الدموع ، و قرأت لشيوخ بيقولوا أن ده من علامات الحسد”.
و أكدت ريهام سعيد أنها تعلم جيدا من وراء هذا السحر و قالت : “عندي زميلة عايزة تدمرني و بتشتغل من تحت و الأذية أخرتها مش حلوة خالص و كله هيرجع”.
و في نهاية حديثها في البث المباشر دعت متابعيها لقراءة سورة البقرة يوميا للتخلص من السحر.
