بقلم دكتورة / أمل مطر
الأحتياج لشخص في فتره معينه من حياتك ممكن يحول حياتك لجحيم لو الشخص داه اتنازل عنك وسابك نص الطريق … كان جواك فراغ كبير مليته بيه بس هو سابك وعنده بديل تانى ليك يملى الفراغ اللي انت فاكر نفسك سيبته فيه … عشان كده متحتجش لحد ومتتعلقش بحد اللي غاب زي اللي مات الاتنين واحد .. اكتفي بنفسك بس حتى لو هتكمل العمر لوحدك .. الوحده يمكن صعبه بس مريحه اوي بعيد عن عالم النفاق والكدب..متموتش نفسك ولا إحساسك عشان حد, محدش يستاهل بجد
مش لازم يكون فيه حد في حياتك عشان تعيش مبسوط اوقات كتير الوحده بتكون احسن من مليون حد معاك ممكن يكون معاك كل الناس و حاسس بالوحده ومتضايق وممكن تكون لوحدك بس مش محتاج حد معاك وبالك رايق
راحة البال عمرها ما كانت في انسان او فلوس
لما تدي حد بتحبه اكتر من فرصه عشان متخسروش وهو مصر يخسرك … حط حبك على جنب واخسره اسوء علاقه هي اللي بتنتهي بدون مبرر بدون سبب بتلكيكه تخلي عقلك يشت مِن التفكير وانت بتسأل هو حصل ايه ، مين غلط ، مين بداء طيب مين انتهي
قلة التقدير لما تحسها من حد انت حاطه في خانه ومكانه لوحده وهو راكنك على الرف بكل برود وتلاقي نفسك في حياته مرحله مؤقته شئ مهين جدا بجد … .. مفيش ظروف تخلي الوعود متتحققش غير ان الوعود من البدايه كانت مزيفه
محدش هيطبطب عليك غير نفسك .. متصعبش على حد وأوعى تعيش دور الضحيه أو تبان ضعيف قدام أي حد … الناس مش شايفه الدنيا بعينك هتشوفك بس ضعيف ومكسور وممكن كمان متستحقش الشفقه عشان أنت عايش في غابه مش في جنه ووسط ملايكه
الثقه صلاحيتها موقف واحد بس ولو دخل الشك هتبقى بداية النهاية. .. كلمة اسف او معلش او مكانش قصدي هيعملوا ايه بعد الوجع ؟
