بقلم / الشافعى محمد الشافعى
يا حبيبي من بعد الفراق
عمر قلبي م الحب داق
ولاعمر عقلي م الفكر راق
يا حبيبي فكر شوية
قبل ما تزود ما بينا البعاد
أو حتى فكر وأرحمني حبة
ده أنا قلبي داب من نار فراقك
يا حبيبي من بعد الفراق
عمري ما شوفت م الدنيا فرح
أنا قلبي حبك وأديتني جرح
يا حبيبي أنا نفسي ترجع لقلب حبك
أو حتى مرة عليه ترد
ده أنا قلبي خالي من يوم فراقك
يا حبيبي من آي حب
يا حبيبي من بعد الفراق
كان نفسي تيجي يا حبيبي ومرة تعرف
أن حبك كان ليا قلب
ولا عمر قلبي من بعد حبك
حب حد أو حتى مال
ده أنا قلبي كان نفسه يلاقي قلب يحبه
أو حد مرة يحس بيه
وياما حبك وياما شاف
في حبه جرح
يا حبيبي من بعد الفراق
ده أنا عمر قلبي يا حبيبي
من حبك مرة فاق
ورغم أنه عايش في جرح
مستني ترجع و تملى قلبه
م الدنيا فرح
يا حبيبي بنادي عليك
أسمعني مرة يا حبيبي
ورد عليا ندايـا
ده أنا قلبي مشتاق لك حبيبي
وعاش على أمل
أنه يرجع قلبك معايا
يا حبيبي من بعد الفراق
ده أنا قلبي عمره ما فكر يجرح في قلبك
أو حتى خلاك مرة نآسي في هواية
أوحتى تندم أن قلبك عاشق لقلبي وهواية
ولا مرة ترضى أن قلبك يكون
لغيري مش معايا
يا حبيبي من بعد الفراق
عمر قلبي في مرة داق
طعم للدنيا أو حتى فرح
أو مرة دق يا حبيبي لحد غيرك أو حتى رق
يا حبيبي أرجع لقلبي أو حتى حن
ده أنا قلبي عاشق وتاه من حبك
وعقلي خلاص قرب يجن
تعالالي مرة يا حبيبي
وقولي أنك ناوي ترجع م البعاد
ده أنا قلبي داب
لما عرف أنك نويت ع الفراق
ولما فكر في البعاد
وعاش في ليل ما طلع له نهار
وكله عذاب
يا حبيبي من بعد الفراق
تاه مني قلبي وعقلي راح
وماعدت شايف يا حبيبي
في الدنيا براح
وضاقت عليا دنيتي
لما فكرت يا حبيبي
أنك نويت ع الفراق
يا حبيبي أرجعلي بحبك
وأياك تفكر مرة تانية
في البعاد
أحسن مليش غيرك حبيبي
ولا عاد لي غيرك في الدنيا البراح
قلبي مال مرة وقال
أنه عمره ما حب قبلك
ولاعمره مرة هايحب بعدك …
مستحيــل ….
أو حب غيرك هيكون لحبك
في يوم بديـــل
والحب نفسه عمره في يوم
هايكون لقلبي شيئ مباح
يا حبيبي من بعد الفراق
عرفت أني
مليش في الدنيا غيرك
واتمنى انك ترجعلي يا حبيبي
وتنسى أنك في يوم مرة تسيبني
أو في المرار والعذاب تدوبني
ده أنا قلبي حبك
وأنت اللي عمرك أكيد
ما حبتنــي
يا حبيبي ياللي عيشت
في الدنيا معايا تغلبني
وأنت اللي طول عمرك
في حبك مغلبني
أوعى تبعد في يوم
أو حتى تفكر يا حبيبي
عني ترحل أو تسيبني
يا حبيبي من بعد الفراق
والحب في قلبي دبـل
ومن نار فراقك يا حبيبي
قلبي من عذابه داب
وأنا اللي قلبي من بعد حبك ما حب غيرك
ولا حتى م الراحة داق
من بعد الفراق
*******
بقلمي
شاعر الحب: الشافعي محمد الشافعي
مرسى مطروح في : 27/3/2016
