كتبت / سلوى لطفي
كنت ماشية ع البلاج في إسكندرية فشافني واحد قالي ؛- إنتِ إسمك إيه
قلتله ؛- ليه ؟
قالي ؛- أنا عدلي المولِد و بشتغل منتج وشايف إن وشك ينفع في السينما فرجعت جري للبيت إحنا بيتنا في إسكندرية كان لزق في بيت عبد الحليم حافظ فرُحتله و حكيتله قاللي تعرفي فعلاً إنتِ وشك ينفع في السينما لو فعلاً عايزة أنا مُمكن أساعدك و قدمني للأستاذ رمسيس فبدأوا يدورولي على إسم فني لأن كان صعب أطلع بإسمي الحقيقي في السينما إللي هو فاطمة الزهراء لأنه إسم بنت ” سيدنا مُحَمَد عليه الصلاة و السلام ” فأنا إقترحت أسماء زيّ ناني سالي حاجة من دي فحليم الله يرحمه قالي
؛- لأ لأ سيبك من الأسماء دي عايزين برضو
إسم عربي و يكون حلو فإختارلي نجلاء
الجميلة نجلاء فتحي مُتحدثة عن بداياتها الفنية
و دور الراحل عبد الحليم حافظ فيها
