كتب / حسن اللبان
تعددت الأسباب والموت واحد
• ابن مدينة ابو تيج بمحافظة أسيوط
الفنان عمر الجيزاوي – – 🤔
بعد شهرته في الأفلام والحفلات والافراح واغنية ” اتفضل قهوة” كان
راجع من فرح ، وسيارته انحرفت
عن مسارها ونزلت في الترعة – –
السواق نط ونجي بحياته/ وعربية
” عمر الجيزاوي” ظلت الليل كله حتي
الفجر غرقانه في الترعة – – 🤔
• الصبح سحبوا العربية وخرجوه منها
وكان جسمه ازرق وقاطع النفس ومفيش نبض ، نقلوه إلي المستشفي
وحطوه في ثلاجة المشرحة ساعتين
الطبيب الشرعي دخل المشرحة ولسه
بضرب اول مشرط ، عمر الجيزاوي
صرخ ونط ووقف قدامه عريان – –
الدكتور من الخضة جاتله سكتة قلبية ومات في التو واللحظة
• بعدها بكام سنة غنت الفنانة شاديه
” مصر اليوم في عيد” وده لحن مسروق لعمر الجيزاوي كان بيغنيه
في الافراح ، قدمه جمال سلامة لشادية علي اساس ان اللحن ملكه
• عمر الجيزاوي رفع قضية علي🤔 شادية وطلب تحكيم محمد عبد الوهاب فقال إن لحن عمر الجيزاوي
مختلف عن لحن جمال سلامة
( لان الأغنية كانت اشتهرت) وأصبحت من أهم الاغاني الوطنية
ومينفعش اللحن بتاعها يكون مسروق
• عمر الجيزاوي 🤔
بعد ما احس بالظلم وسرقة ابداعه
من ناس كان فاكرهم عمالقة القيم
والقامة ، احس بالظلم والقهر ، وقعد
في بيته يومين مكتئب ورجعتله جلطة ومات
وهذا الموضوع ترجم لفيلم
بطولة ممدوح عبد العليم
وليلي علوي
فيلم ( سمع هس)
