كتبت:رشا ايمن
فوجئ مطرب المهرجانات عمر كمال وحسن شاكوش من حذف عود البطل بعد يوم من طرحه على قناة حسن شاكوش الرسمية بموقع “يوتيوب”، وبعدما حقق 7 مليون مشاهدة.
وقال عمر كمال “صحينا من النوم لاقينا أغنية عود البطل اتحذفت بعد ما حققت 7 مليون في أول يوم، وده مش بيحصل وهبدأ أشوف الدنيا مع حسن شاكوش وايه الاشعار اللي وصل للقناة بتاعته”.
وعن من تسبب في حذف عود البطل، قال عمر كمال: “عارف طبعا مين حذف عود البطل لكن مش عايز أدخل في مشاكل وهركز بس في اني افك الأغنية لأن احنا كده بنخس في الشارع وأغنية عود البطل كانت هتقعد أسبوع كامل في التريند، دي أغنية جابت 7 مليون في يوم وده محصلش اطلاقا في أي أغنية قبل كده”.
يشار إلى أن مهرجان عود البطل، تعد أول أغنية يطرحها المطربان حسن شاكوش وعمر كمال، بعد أزمتهما الأخيرة مع نقابة المهن الموسيقية، برئاسة الفنان هانى شاكر والتي أصدرت قرارا بمنع مطربي المهرجانات بمزاولة نشاطهما الفني من الحفلات والأفراح وغير ذلك.