كتب / حسن اللبان
” انا اربعين سنة شغل و تعب و جهد ، مثلت 400 فيلم
وعملت 300 مونولوج و مثلت 61 مسرحيه
كنت عامل زي الدوا للانسان المهموم عشان اضحكه
و انسيه همه و غمه، مش دي تكون نهايتي أبدا
انا خدمت البلد دي و انتو عارفين كويس انا عملت افلام للثورة برضايا و بغير رضايا انا غنيت للجيش و اتبرعت بإيرادات حفلاتي كلها في 56 مش دي تكون نهايتي ابدا الناس تنسي ده كله و يفتكروا ان انا في اخر ايامي
رجعت اشتغل في كباريه؟
طب اعمل ايه؟ اعمل ايه؟؟
انا اربعين سنة جهد مخدتش شهادة تقدير ولا حتى ميدالية صفيح بالعكس كل مليم حوشته في حياتي إتاخد مني
و ماقولتش حاجه مش دي تكون نهايتي ابدا ” .
اخر ما كتبه اسماعيل ياسين قبل وفاته بسبب الاكتئاب الحاد
رحمة الله عليك يا فنان يا كبير قدرت تتواجد معانا بأعمالك لدلوقتى الصغير قبل الكبير بيحبك وحب الناس أهم مكاسب الحياة الله يرحمك ويغفرلك بقدر ما اسعدتنا الرسالة العربية تقدم لك تحية بقدر ما امتعتنا واضحكتنا فليرحمك الله.