رئيس مجلس الإدارة
رضــــــــــــا يوســـــــــــف
رئيس التحرير
حــــــسن اللـــــــــــــبـان
مستشار التحرير
د / السيد رشاد برى

عاجل

Slider

6 حجات ماتعملهمش بعد الانفصال

IMG-20200831-WA0000.jpg

بعد تجربة الانفصال بتعيش في دوامة أفكار و مشاعر مؤلمة بتبقى متلخبط

في شوية حاجات هيضروك لو عملتهم حاول تتجنبهم و ما تعملهمش

🚫ماتركزش مع نظرة الناس ليك و ياترى هيقولوا أيه ، سابني ليه ، و طلع عندهم حق في ال كانو بيقولوه ..

🚫 أنك تخدر مشاعرك و تملى نفسك من بره و تسيب نفسك فاضي من جوه .. تلهي نفسك عن وجعك عن طريق عادات ادمانيه زي الاكل الكتير ، شوبنج بزيادة ، الخروج الكتير بدون هدف ومع أي حد ، العزلة و البعد عن الناس ، شات كتير مع كل من هب و دب علشان تحسس نفسك انك بقيت كويس ، شغل لدرجة الإرهاق علشان ماتفكرش و ما تنشغلش بعملية تعافي حقيقية منظمه بخطوات واهداف .

🚫 تقعد تتفرج على فيديوهات كتير علشان تفهم شخصية الطرف الآخر و ياترى هو نرجسي و لا سيكوباتي و هو عمل كده ليه و تضيع وقت كبير في تحليل شخصيته و تنسى نفسك ،
انت محتاج تزود وعيك بنفسك و تتعافى و تخطط لحياتك ، مهما فهمت هو عمل كده ليه ده مش هيخليك ترتاح لو مزودتش وعيك بنفسك و طورتها بشكل عملي

❌ بطل تقول ( أنا مستحيل أحب تاني )
أوعد نفسك انك هتبقى كويس و هتحب و هتتحب بس اتعافى و خد وقتك .. واعرف طريقة الاختيار الصحيح.

❌ بلاش تخلي حزنك على الماضي يخليك تخاف و تتوقع أن المستقبل هيكون نسخة مكررة من الماضي ، فكر ازاي تعيش يومك بأفضل وازاي تستفيد من كل دقيقه في حياتك

ماتدخلش علاقة جديدة بسرعة لمجرد أنك تثبت لنفسك أو للشخص ال سابك أنك تمام و ناجح و أنه خسرك ، استفيد من تجربتك و أدخل في الوقت المناسب

أعرف أن من حقك تزعل لكن متخليش الزعل يتمكن منك و أعرف ان الفراق صعب و أنك هتمر بمرحلة صعبة ولكن كمان الوقت عامل مهم لازم تستغلة لصالحك علشان تعرف تبدأ بفكر جديد

أهم حاجة أنك تتعافى و تتعلم أزاي تتعامل مع ( أفكارك و مشاعرك ) و الصوت ال جواك ال بيضعفك و تغير نظرتك لنفسك علشان تقدر تعيش بطريقة مناسبة ليك و انت حابب نفسك

#د_امال_ابراهيم
#حياه_جديدة
#العلاقات_الصحية

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on whatsapp
WhatsApp
Share on print
Print
Do NOT follow this link or you will be banned from the site!